Trøllkonufingur 

Trøllkonufingur er ein 313 metra høgur steinur – ein sermerktur, beint reistur fingur – ið stendur á suður- og eystursíðuni av Sandavági. Øll, sum hava búð her ella gingið niðan í lendingina, kenna útsýnið: Fingurin, ið rísur beint upp úr fjallbrúnni við sjógvin. Søgnin sigur, at tað var ein trøllkona, sum ætlaði sær at kasta Føroyar til Íslands. Hon var komin heilt til sunnaru síðu av Vágum, tá sólin rann. Sum kunnugt kunnu trøll ikki tola sól – og tá hon fekk ljós á seg, varð hon umgjørd og vendist til stein. Hon datt niður í havið – men hon var so stór, at nakkin og ein fingur enn sóust oman fyri vatnið. Nakkin er Koltur. Fingurin er Trøllkonufingur.

Ein onnur søga sigur, at í 1844 kom ein maður úr danska kongshúsinum við fylgi til Føroya. Hann kláraði at klíva Trøllkonufingur og veittraði  frá toppinum til krúnprins Frederik, sum sigldi framvið. Men tá hann var komin niður aftur, kom hann í tankar um, at hann hevði gloymt annan handskan hjá sær á tindinum. Hann var móður, men royndi at klíva upp aftur. Tað gekk ikki. Hann misti fótafestið – og fór í deyðan. Tað eru bert 11 fólk, ið eru kend fyri at hava staðið á toppinum av Trøllkonufingri. Tann seinasti, ið náddi upp, gjørdi tað í 2016.

Read more about the village