Uppliv Vágar frá sjónum og njót náttúruna úr einum heilt øðrum sjónarhorni. Fleiri lokalir veitarar bjóða bátatúrar, har tú kanst síggja stórslignu Drangarnar, vakru Dunnesdrangar, duldu dýpini í Munkastovuhellinum, ella seta kós móti Tindhólmi, ið tykist beinleiðis tikin úr einari ævintýrabók. Tú kanst eisini fara til Trøllkonufingur og hoyra tær spennandi sagnirnar og siðirnar, sum knýta seg at hesum sermerkta staði.

Fuglaelskarar eiga heldur ikki at missa Mykines. Tú kanst velja at sigla út á oynna um morgunin og koma aftur seinnapartin – ella bara njóta fuglalívið frá sjónum í nakrar tímar. 

⚠️ Um veðrið ger, at túrurin verður avlýstur, verður alt gjaldið endurgoldið. Legg tó merki til, at hetta kann henda heilt fram til seinastu løtu, tí veðrið í Føroyum er óstøðugt og torført at spáa um.

Eftir er bara at gleða seg!