Áðrenn tú vitjar Mykines

Vinaliga hav í huga, at fráferð frá oynni kann verða seinkað ella avlýst vegna veður. Tí verður altíð mælt til at vitja Mykines fyrst á ferðini, tí tað kann henda, at tú verður sitandi á oynni í fleiri dagar, um veðrið versnar.

Almenn flutningur

Ferja

Í summarhálvuni – frá 1. mai til 31. august – er daglig ferjusamband millum Vágar og Mykines, tá veðrið loyvir. Ferjan siglir frá havnini í Sørvági. Almenna farleiðin verður rikin av ferjuni M/F Jósup, og ferðaseðlar skulu keypast frammanundan á netinum á ssl.fo. Túrurin tekur áleið 45 min.

Vetrarsigling

Vetrarleiðin er galdandi frá 1. apríl til 30. apríl og frá 1. september til 30. september. Í hesum tíðarskeiðum siglir ferjan einans eina ferð um dagin, tríggjar ferðir um vikuna, tá veðrið loyvir. Ferjan siglir ikki um veturin – tað vil siga frá 1. oktober til 31. mars.

Tyrla

Tyrlusambandið verður rikið av Atlantic Airways, sum hevur allar ársins dagar ferðaætlan, um veðrið loyvir. Endamálið við tænastuni er fyrst og fremst almenn flutningur av fólki og vørum til og frá útoyggjum – og Mykines er ein av hesum. Tí verður ikki mælt til at brúka tyrluna til fram og aftur-túrar sum ferðafólk.

Meira kunning um ferðaætlan og prísir fæst á atlantic.fo

Um tú bíleggur tyrluna annan vegin og ferjuna hin vegin – og ferjan verður avlýst – verður ikki veitt endurgjald fyri tyrluferðina. Avlýsingar av tyrluferðum skulu gerast í seinasta lagi 24 tímar áðrenn fráferð, fyri at tú skalt kunna fáa endurgjald.

Privatir túrveitarar

Einstakar fyritøkur bjóða dagstúrar til Mykines við fleiri fráferðum um dagin úr Sørvági. Hesir túrar kunnu bíleggjast beinleiðis frá veitarunum. Meira kunning sæst á Bluegate.fo, Mykines.fo ella  Seatravel.fo