Spurningur: Er tað krav at rinda gongugjald á Mykinesi?

Svar: Nei, um tú bert heldur teg til almennu gongugøturnar, sum liggja í bønum, er ikki neyðugt at rinda gjald. Bøurin er merktur á kunningarskeltinum um Mykines, sum er á havnalagnum í Sørvági og á oynni.

Um tú ynskir at ganga í hagan á Mykinesi, har flestu lundarnir halda til, skalt tú vera í fylgi við góðkendum Mykines-ferðaleiðara. Tú kanst antin rinda fyri staðbundna gongugjaldið, sum fevnir um ein almennan skipaðan túr, ella bíleggja ein góðkendan privatan ferðaleiðara, har gongugjaldið er íroknað prísin. 

Spurningur: Er neyðugt at rinda gjaldið frammanundan?

Svar: Nei, tú kanst eisini rinda gjaldið á oynni. Men um tú rindar frammanundan, fært tú avsláttur. Les meira her.

Spurningur: Er gøtan til vitan stongd?

Svar: Ja, gøtan til vitan er stongd í summarmánaðunum (mai–september). Uttan fyri hesa tíð kanst tú biðja um loyvi at ganga í økinum her. 

Spurningur: Hvussu sleppi eg út á Mykines?

Svar: Tað eru ymiskar hættir at koma til Mykines. Tú kanst lesa um tær ymsu møguleikarnar her.

Spurningur: Ber til at fara á dagstúr til Mykines í september ella apríl?

Svar: Ja, tú kanst síggja ymsu dagstúrarnar til Mykines her.

Spurningur: Ber til at ganga í Mykinesi um kvøldið?

Svar: Ja, men bert í fylgi við góðkendum Mykines-ferðaleiðara, sum leiðir teg í økjum, har ferðing er loyvd.

Spurningur: Er nakað regluligt ferjusamband til Mykines um veturin?

Svar: Nei, ferjan siglur regluliga bert í summarmánaðunum (mai–august) og hevur avmarkað samband í september, heystinum og apríl. Halt teg dagførdan á teirra heimasíðu www.mykines.fo. 

Privatir bátførarar skipa fyri dagstúrum til oynna í vetrarmánaðunum. Tú kanst síggja ymsu møguleikarnar her.

Spurningur: Nær er besti møguleikin at síggja lundar á Mykinesi?

Svar: Besti møguleikin at síggja lundar á landi er frá miðjum mai til endan av august. Lundarnir eru sjófuglar og liva á sjónum. Tí koma teir bert á land fyri at reiðrast.

Spurningur: Nær letur gøtan til vitan á Mykinesi upp aftur?

Svar: Gøtan til vitan á Mykinesi er stongd í summarmánaðunum, meðan lundarnir reiðrast. Gøtan gongur ígjøgnum reiðurøkið, og fuglarnir mugu hava frið fyri at kunna skaffa føði til lundungarnar. Tó ber til at síggja nógvar lundar á túrinum til útsýnisstaðið á Rógvu, har ferðaleiðarastýrdar gongutúrar fara fram. Har er eisini gott útsýni til vitan.

Spurningur: Ber til at tjalda á Mykinesi?

A: Ja. The Locals umsita tjaldingarøkið á Mykinesi. Minst til, at tað ikki er loyvt at tjalda í haga í Føroyum uttan loyvi frá jarðareigarunum.

Spurningur: Um eg komi við tyrlu, kann eg so luttaka í ferðaleiðaratúrinum?

Svar: Um tú kemur við tyrlu, minst til at viðmerkja hetta í bíleggingini av gongugjaldinum.

Spurningur: Verður peningur endurrindaður, um bátatúrurin verður avlýstur vegna veður?

Svar: Ja, gongugjaldið verður altíð endurrindað, um bátatúrurin verður avlýstur vegna veður. Flestu ferðavinnutilboð verða endurrindað á oynni, um veðrið elvir til avlýsingar.