Vágar er eitt frálíkt ferðamál fyri barnafamiljur. Her finnur tú bæði góð spælipláss og fótbóltsvøllir í øllum bygdunum, og náttúran gevur óteljandi møguleikar til upplivingar.

Sandstrendur, áir og vøtn bjóða seg fram til svimjing, rógving ella at fanga síl, og í firðunum kunnu børnini royna seg við krabbaveiðu. Eisini eru hugnaligar viðarlundir, har familjan kann spæla og njóta matpakkan saman. Tú finnur eisini fleiri lættar og familjuvinarligar gonguleiðir: Til Trøllkonufingur, Bøsdalafoss ella eftir vørðunum úr Miðvági til Vatnsoyrar – ella víðari til Fjallavatn. Nakrir av bátatúrunum eru eisini væl egnaðir til børn.

Sí niðanfyri yvirlit yvir spæliplássini í økinum.