Kom við á eina forvitnisliga ferð inn í álendska samfelagið og fólkasálina.
Á tiltakinum “Åland, sum tað er” fáa vit vitjan av tveimum royndum samfelagskennarum úr Álandi, sum fara at geva okkum eina livandi og erliga mynd av, hvussu lívið er í Álandi í dag, og hvønn veg samfelagið er á veg.
Hvat hugsar álendingurin um nútíðina og framtíðina? Hvussu hava tey ungu tað? Tey vaksnu? Og tey eldru? Hvussu broytist fólkatalið, og hvørjar avbjóðingar og møguleikar síggja tey í samfelagnum? Vit nema eisini við evni sum kriminalitet, trivnað og tær størri broytingarnar, sum merkjast í Álandi.
Røðarar eru Bjarne Lindström, fyrrverandi stjóri á hagstovuni ÅSUB, og Jan-Erik Berglund, journalistur og sjónleikari.
Maiken Poulsen Englund, forkvinna í Foreningen Norden í Álandi, verður orðstýrari.
Eitt kvøld fyri øll, sum eru forvitin eftir at koma eitt sindur nærri okkara álendsku grannum, og hoyra um Áland, sum tað veruliga er.
‍