Uppliv Vágar við dagsferðum, sum geva tær góðar upplivingar. Um tú dámar náttúru, list ella spennandi tiltøk, er nakað fyri øll í Vágum.

Lat teg í gonguskógvarnar, tak myndatólið við, og sí vatnið Leitisvatn/Sørvágsvatn og Bøsdalafossin, har náttúran vísir seg frá síni bestu síðu. Tú kanst eisini royna at kajakka á vatninum og síggja “vatnið uppi yvir havinum” úr einum øðrvísi sjónarhorni. Ella njóta útsýnið frá einum føroyskum hesti. Far ein túr til Drangarnar ella Dunnesdranga og uppliva, hvussu teir rísa úr Norðuratlantshavinum. Eisini ber til at vitja Tindhólm, har tú sært brøtt bjørg og vakurt landslag. Møguleiki er eisini at fara á eina tyrluferð, har tú flýgur yvir fossar og dalar. Hetta gevur tær eitt gott yvirlit og eina øðrvísi uppliving. Møguleikarnir eru sera nógvir!