Tær nýtist ikki at stúra, um tú ferðast við børnum, tí tað eru nógvir møguleikar at halda tey virkin í Vágum.

Allar bygdirnar hava góð spælipláss og bæði størri og smærri fótbóltsvøllir.

Sandstrendir, áir og vøtn, har tú annaðhvørt kann rógva, fanga síl ella svimja. Firðir ið eru vælegnaðir til krabbaveiðu. Harafturat eru eisini fleiri viðarlundir, har børnini kunnu klemma trøð, renna runt og eta matpakka. Vit hava eisini familjuvinarligar gongutúrar í økinum, so sum leiðin til Trøllkonufingur, gøtan til Bøsdalafoss, og túrurin eftir Vørðunum úr Miðvági til Vatnsoyrar ella til Fjallavatn er lætt at ganga og ikki høgar hæddir. Nakrir av bátatúrunum eru eisini hóskandi til smærri børn. 
Niðanfyri sært tú spæliplássini í økinum