Lý er ein ung myndlistakvinna, ið fæst við litríkar mixed media málningar. Hon brúkar m.a. gouache og oljukrit til at skapa eitt livandi samanspæl millum náttúruna og teir mongu litirnir í náttúruni.
Tann 9.–13. oktobur hevur Lý sína aðru soloframsýning, Okkurt er í luftini, í Smiðjuni Lítluvík. Hennara fyrsta soloframsýning var "Flog" í 2024.
Verkini hjá Lý taka støði í føroysku náttúruni. Og tað er alt frá djórum til kend føroysk motiv. Nógv av verkunum eru litrík og eru ein roynd at ævintýrgerða og varpa ljós á natúrliga og ofta ósædda vakurleikan, sum er ein partur av føroyska gerandisdegnum.
Ferniseringin verður fríggjadagin 9. oktobur kl. 17:00 í Smiðjuni Lítluvík. Lyon Hansen fer at syngja nøkur løg, og okkurt gott verður eisini til góman.
Øll eru hjartaliga vælkomin.
Opið er soleiðis:
Fríggjadagin 9. okt.: 17:00 – 20:00
Leygardagin 10. okt.: 10:00 – 16:00
Sunnudagin 11. okt.: 14:00 – 18:00
Mánadagin 12. okt.: 14:00 – 18:00
Týsdagin 13. okt.: 14:00 – 18:00
‍