Í 2022 frumframførdi Mattias Kapnas Klaverkonsert nr. 1 eftir Kristian Blak saman við Føroya Symfoniorkestri. Og nú hevur verkið fingið nýggjan ham.
Undir heitinum "Helluljóð" er tónleikurin umskrivaður til klaver og syntar, innspældur og klárur at verða útgivin, bæði talgilt og á vinyl.
Hetta verður hátíðarhildið við útgávukonsert, har Mattias framførir tónleik av Helluljóð, umframt egin verk og tónleik úr klassiska repertoirinum. Afturat Mattiasi verður Jan Rúni Poulsen við á slagverki og elektronikki. 
Nýggja plátan verður sjálvandi eisini til keyps á konsertini.