Tú hevur ongar yndis enn

Her kanst tú savna íblástur, greinar, tiltøk og støð, sum tú hevur áhuga fyri.

Trýst á ikonið á síðurnar, so koma tær fram her.

Íblástur & Greinir

Tiltøk & Túrar

Støð

Bygdagøtur

Leita Leitingarúrslit

INSPIRATIÓNIR & ARTIKLAR

TILTØK & GONGUTÚRAR

Støð

Elduvík - Funningsfjørður

Elduvíkar bygd. Mynd: @shawnogulu
Tann langi og sera náttúruvakri dalurin í Elduvík. Her gongur ein heilt fyri seg sjálvan millum tey høgu fjøllini, har bert ljóðið frá fossunum í stórá hoyrist. Í bakgrundini sæst Elduvíksbygd. Mynd: Óli Gardshodn
Varðin og rættin undir Øksnagjógv í Dalkinni. Mynd: Óli Gardshodn
Varðin við tjørnina á hálsinum omanfyri Funningsfjørð. Í bakgrundini Múlatindur. Mynd: Óli Gardshodn
Útsýnið yvir Funningsfjørð. Mynd: Óli Gardshodn
Funningsfjørður. Mynd: @itsbigben

Ein lættur og góður túrur gjøgnum vakra dalin í Elduvík

Elduvík liggur út ímóti sjónum við munnan á longum, grønum dali, ið er girdur av høgum og brøttum fjøllum.

Túrurin gongur niðan gjøgnum henda djúpa dalin, ið sýnist so mildur og blíður við Stórá makliga rennandi eftir slættanum.

Á veg oman ímóti Funningsfirði er vakurt at ganga fram við stóru áunum.

Tað er gott at ganga allan vegin millum Elduvík og Funningsfjørð. Í Funningsfirði er tó rættiliga bratt omanav.

Náttúruvakurt er í Funningsfirði, sum liggur í øðrum endanum á dalinum millum báðar teir stóru firðirnar í Eysturoynni. Bygdin er og hevur verið savningarstaður fyri ferðsluna í økinum, og vegirnir til nærmastu bygdirnar eru eyðmerktir sum Sóljuleiðir, ið eru serliga náttúruvakrir vegateinar.

Til ber at ganga túrin úr báðum endum.

Gøtan sæst ikki allan vegin, og varðar eru ikki allan vegin, so GPX fíla er neyðug.

Vís allar Google Kort

Tak niður GPX slóð

Elduvík - Funningsfjørður Funningsfjørður - Elduvík

Elduvík - Funningsfjørður

Funningsfjørður - Elduvík

Elduvík - Funningsfjørður

Eingin almennur bussur fer til Elduvíkar ella Funningsfjarðar, so neyðugt er at koyra hagar sjálvur.

Parkering, Elduvík
Í Elduvík er gott pláss at seta bilin við Kirkjuna. Eisini ber til at parkera á tveimum parkeringsplássum, ið liggja beint har, sum gøtan byrjar. (Sí myndir)

Grønu linjurnar vísa á parkering og bláa linjan vísir byrjunarstað
Grøna linjan vísir til parkering og bláa linjan vísir byrjunarstað
Grøna linjan vísir til parkerings øki

Funningsfjørður - Elduvík

Eingin almennur bussur fer til Elduvíkar ella Funningsfjarðar, so neyðugt er at koyra hagar sjálvur.

Parkering, Funningsfjørður
Í Funningsfirði er gott pláss at seta bilin fram við ovaru síðu á ovara vegi, Á Flat). Haðan verður gingið fram við áarløkunum, niðan til portrið norðarlaga í grótgarðinum omanfyri. Portrið sæst frá vegnum (sí mynd).