Tú hevur ongar yndis enn
Her kanst tú savna íblástur, greinar, tiltøk og støð, sum tú hevur áhuga fyri.
Trýst á ikonið á síðurnar, so koma tær fram her.
Tínir yndis
Íblástur & Greinir
Tiltøk & Túrar
Støð
Bygdagøtur
INSPIRATIÓNIR & ARTIKLAR
TILTØK & GONGUTÚRAR
Støð
Trongisvágur - Fámjin
Link Copied!
-
Bygdagøtan byrjar frá Mangibakka í Trongisvági, og gongur haðani niðan á Oyrnaskarð, sum sæst ovast mitt á myndini. Mynd: Óli Gardshodn -
Í Trongisvági er væl merkt við varðum og skeltum. Eisini eru trapputrin við flestu hegnini, soleiðis at lætt er at koma tvørtur um tey. Mynd: Óli Gardshodn -
Útsýnið út eftir Trongisvágsfirði har vit síggja Trongisvág, Tvøroyri og Froðba. Mynd: Óli Gardshodn -
Útsýnið undir Oyrnafjalli, har vit síggja leiðina oman til har sum bygdagøtan byrjar, við viðalundina í Trongisvági. Mynd: Óli Gardshodn -
Hvammabotnur í Trongisvági. Í miðjuni sæst hægsta fjall í Suðuroynni, Gluggarnir, 610m. Beint til vinstru, millum tær báðar djúpu gjáirnar, sæst Herðablaðið. Mynd: Óli Gardshodn -
Útsýnið av Oyrnaskarð, í 346m hædd, oman yvir Trongisvág. Mynd: Óli Gardshodn -
Útsýnið við varðan á Oyrnaskarð, suður móti Øravík. Mynd: Óli Gardshodn -
Útsýnið 200m. sunnanfyri Oyrnaskarð, suður móti Øravík. Í bakgrundini síggja vit gamla vegin til Hov, sum nú er avloystur av tunlinum til Hov. Mynd: Óli Gardshodn -
Útsýnið frá niðasta hamara í Harðgreipur, yvir á Valdaskarð, sum leiðir oman til Kirkjuvatn í Fámjin. Mynd: Óli Gardshodn -
Bygdagøtan gjøgnum Valdaskarð. Í Bakgrundini Kirkjuvatn og Fámjin. Mynd: Óli Gardshodn -
Stabbagrót í hamaranum norðanfyri Valdaskarð. Mynd: Óli Gardshodn -
Avbera Vakra útsýnið frá Valdaskarði oman móti Kirkjuvatni. Í bakgrundini Fámjin. Mynd: Óli Gardshodn -
Leiðin frá Kirkjuvatni í Fámjin niðan á Valdaskarð. Mynd: Óli Gardshodn -
Gjøgnum rættina við KIrkjuvatn, omanfyri Fámjin. Mynd: Óli Gardshodn -
Útsýnið omanfyri Fámjin. Mynd: Óli Gardshodn
Ein lættur og sera vakur túrur um Oyrnaskarð og Valdaskarð, har nógv er at síggja á leiðini
Bygdagøtan byrjar beint oman fyri viðalundina í Trongisvági. Fyrst verður gingið tvørtur um Stórá og síðan niðaneftir í Hvammhaga. Her síggja vit niðan í sermerkta Hvammabotn við sínum jøvnu og stóru víddum, sum eru umgirdar av brøttum líðum, og innast í botninum er Herðablaðið við Herðablaðsgjáunum báðumegin við. Høgrumegin Herðablaðið eru Gluggarnir, sum við sínum 610m er hægsta fjall í Suðuroy. Á leiðini niðaneftir er gott útsýni oman yvir Trongisvág og leiðina yvir í Hvannhaga við lítlu og stóru Dímun í baksýninum.
Komin tvørtur um Oyrnaskarð er stutt yvir á Valdaskarð, har gingið verður oman gjøgnum Harðgreips hamrar. Meðan gingið verður, sæst suður í Øravíkshagan.
Tað er sera vakurt at ganga um Valdaskarð, meðan Kirkjuvatn og Fámjin daga meira og meira undan. Tá ið so gingið verður oman til Kirkjuvatn, síggjast flottu hamrarnir til báðar síður. Høgrumegin, kallað Undir Homrum, verður gingið tætt undir tí niðasta hamrinum, sum er rættiliga høgur hamari úr vøkrum stabbagróti.
Haðan verður gingið fram við Kirkjuvatni, og síðan sunnanvert ánna gjøgnum rættina oman til Fámjin.
Farleiðin er væl merkt við varðum allan vegin frá parkeringsplássinum í Trongisvági til Fámjin.
Til ber at ganga túrin báðumegin frá. Túrurin er eitt sindur lættari at ganga úr Trongisvági
Trongisvágur - Fámjin
Leið 701 koyrir millum Famjin – Tvøroyri – Sandvík. Flestu av túrunum eru sokallaðir T-túrar, t.e. teir skulu tilkallast 1 tíma fyri fráferð, sum nærri er greitt frá á heimasíðuni hjá ssl.fo.
Parkering, Trongisvágur
Set bilin í Trongisvági við vegjaðaran á høvuðsvegnum 175 metrar vestan fyri viðarlundina – sí grønu linjuna. Haðan verður farið um ánna og niðan um vegin “í Lambyrgi”, har skeltið “Gl. Famjinsgøtan” vísir vegin niðan á bygdagøtuna – sí bláu strikurnar.
-
Grøna linjan vísir á parkering og bláa linjan vísir byrjunarstað -
Grøna linjan vísir á parkering og bláa linjan vísir byrjunarstað -
Grøna linjan vísir á parkering og bláa linjan vísir byrjunarstað -
Bláa linjan vísir byrjunarstað
Fámjin - Trongisvágur
Leið 701 koyrir millum Famjin – Tvøroyri – Sandvík. Flestu av túrunum eru sokallaðir T-túrar, t.e. teir skulu tilkallast 1 tíma fyri fráferð, sum nærri er greitt frá á heimasíðuni hjá ssl.fo.
Parkering, Fámjin
Í Fámjin er gott pláss at seta bilin frá sær við kirkjuna, t.d. fram við vegnum oman ímóti fjøruni (mølini) – sí grønu linjuna. Haðan verður gingið eftir bláu linjuni tvørtur um brúnna og haðan niðaneftir og út ígjøgnum rættina.
-
Grøna linjan vísir á parkering og bláa linjan vísir byrjunarstað -
Grøna linjan vísir á parkering og bláa linjan vísir byrjunarstað -
Bláa linjan vísir byrjunarstað
Trongisvágur - Fámjin
Fámjin - Trongisvágur
Fakta
Tíð
longd
Hægsta stað
Hæddarmetrar
Túrurin hóskar seg til børn yvir 8 ár. Onkrar líðir eru eitt sindur brattar, umframt at gingið verður gjøgnum onkran lítlan hamar. Eitt sindur langt, og nógvir hæddarmetrar eru
Miðal
- Hóast eitt sindur bratt úr Valdaskarði oman til Kirkjuvatn, so er vallað og gott at ganga
Vallað og gott at ganga meginpartin av túrinum.
Eitt sindur av leysum gróti gjøgnum smáu Harðgreips hamrarnar millum bæði skørðini. Eitt sindur bratt oman frá Valdaskarð og oman til Fámjins
