Evangelisk samkoma og savningarstað í Hoyvík

Lívdin er ein evangelisk samkoma í Hoyvík við einum stórum, nútímans samkomuhúsi, teknað av arkitektinum Selmar Nielsen. Húsið varð tikið í nýtslu í 2021 og er karmur um møtir og fjølbroytt sosialt og mentanarligt virksemi. Stóri salurin rúmar upp til 850 fólkum og hevur góð ljóðviðurskifti til talur, sang og tónleik, og tí eru góðir møguleikar fyri at hýsa konsertum, ráðstevnum og øðrum størri tiltøkum.