Kom inn í gomlu Klaksvíkina og fá eitt innlit í lívið fyrr í tíðini

Stíg inn í ein part av søguni hjá Klaksvík í gomlu handilshúsunum, har Norðoya Fornminnissavn heldur til. Húsini vóru upprunaliga partur av Kongaliga Einahandlinum og eru millum elstu bygningar í býnum.

Á savninum kanst tú síggja eina ørgrynnu av gomlum lutum og fáa innlit í gerandislív, handil og arbeiði í Klaksvík fyrr í tíðini. Her er eisini gamla apotekið í Klaksvík varðveitt í hølunum, har tað upprunaliga helt til.

Um jóltíðir ber aftur til at uppliva handilin sum hann var tá omma var í velmaktini. Har angar av søgu og nostalgi, og tú kanst keypa blandað bomm í eitt kramarhús.

Upplatingartíðir
30. mai – 15. september
Mánadag – fríggjadag kl. 11–15
Sunnu- og halgidagar er opið eftir avtalu.