í Gamla skúla í Leirvík

12.–13. september verður seinasta vikuskiftið, framsýningin í Gamla skúla er opin.

Talan er um framsýning, ið tekur støði í tí útgrevstrinum, ið fór fram á Toftanesi summurini frá 1982 til 1987. Í samband við henda útgrevstur vóru umleið 3000 lutir funnir, og onkrir teirra verða nú vístir fram.

Útgrevsturin avdúkaði ein bóndagarð, eitt langhús, frá umleið ár 900, við trimum úthúsum, ið enn sæst í lendinum, um ein vitjar toftirnar á Toftanesi.

Hetta vikuskifti verður aftur møguleiki at ogna sær eina eftirgerð av brosjuni, ið funnin varð á Toftanesi. Brosjan er 26 mm í tvørmáti, úr bronsu, og gjørd í Borre-sniði.
Tað er gullsmiður Ghita Ring, Gitastova.fo, ið hevur gjørt eftirgerðina.

Opið er:
Leygardagur 12. september: Kl. 10–17
Sunnudagur 13. september: Kl. 13–17

Tað er ókeypis at vitja framsýningina, og øll eru hjartaliga vælkomin.