Innandura ítróttarhøll í Tórshavn til hondbólt, flogbólt og tiltøk.

Gundadalshøllin er ein av mest nýttu ítróttarhallunum í Føroyum og ein týðandi partur av ítróttarøkinum í Gundadali mitt í Tórshavn. Við síðuna av Tórsvølli er høllin karmur um ítrótt, kappingar og ymisk tiltøk alt árið.

Høllin er serliga kend fyri hondbólt, flogbólt og aðrar innandura ítróttargreinar. Her verða landskappingardystir, stevnur, venjingar og stór ítróttartiltøk hildin, sum savna ítróttarfólk og áskoðarar úr øllum landinum. Gundadalshøllin er í felags ogn hjá hondbóltsfeløgunum Neistanum og Kyndli og flogbóltsfelagnum Fleyr.

Høllin verður eisini nýtt til onnur størri tiltøk og verður ein av innandurahøllunum til tennis undir Oyggjaleikunum 2027.

Við stuttari gongufrástøðu til miðbýin er Gundadalshøllin ein partur av størsta ítróttarøkinum í Føroyum, har fótbóltur, svimjing, frælsur ítróttur, tennis og aðrar ítróttargreinar eru savnaðar á sama stað