KJÖT borðreiðir við burgarum, fiski & kips og gøtumati mitt í Tórshavn.

KJÖT er ein óformlig gøtumatstova á Áarvegi mitt í Tórshavn. Her fæst millum annað burgarar, broyskin fiskur & kips, heimagjørd kips og aðrir væl kendir gøtumatrættir. Fleiri av burgarunum eru gjørdir við føroyskum oksakjøti, og fiskur & kips verður gjørdur við hvítfiski. Eisini ber til at fáa ein kjøtfrían burgara.

Navnið KJÖT hevur djúpar røtur á júst hesum staðnum. Í 1937 lat Joen Hejne Elieser Jacobsen, betur kendur sum Heini í KJÖT, upp handil á Áarvegnum. Handilin varð kendur fyri gott kjøt, persónliga tænastu og gjørdist í meira enn 25 ár eitt væl kent stað hjá familjum í Havn.

Í dag er navnið KJÖT komið aftur á Áarvegin. Slaktaraborðið er skift út við heitar grillir og heimagjørdar burgarar, men denturin er framvegis lagdur á góðar rávørur, einfaldan og erligan mat og eina blíða móttøku. Við síni staðseting mitt í býnum er KJÖT eitt lætt og óformligt stað at leggja leiðina framvið til miðmála, døgurða ella ein skjótan bita, meðan tú upplivir Tórshavn.