SeeNordic skipar sergjørdar upplivingar í Føroyum fyri kinesisk ferðafólk.

SeeNordic varð stovnað í 2017 av Manjiao Li, sum er úr Kina og hevur búð í Føroyum í 16 ár. Við góðum kunnleika til bæði føroyska og kinesiska mentan hevur SeeNordic serliga lagt seg eftir at veita ferðavinnutænastur til kinesiska marknaðin.

SeeNordic skipar fyri sergjørdum ferðum og hjálpir við øllum frá gisting og flutningi til kinesisktalandi ferðaleiðarar og upplivingar kring landið. Okkara styrki er, at vit kenna bæði Føroyar og gestirnar væl. Vit hava góðan lokalkunnleika og kenna føroysku náttúruna, mentanina og gerandislívið. Samstundis skilja vit kinesiska mentan og vita, hvørjar væntanir, ferðavanar og tørv kinesisk ferðafólk hava.

SeeNordic ynskir at vera ein brúgv millum Kina og Føroyar og geva gestum møguleika at uppliva meira enn bara tey kendu ferðamálini. Vit vilja skapa góðar og autentiskar upplivingar, har gestirnir koma nærri føroysku náttúruni, mentanini og lokala lívinum. Vit leggja dent á góða tænastu og eina ábyrgdarfulla og burðardygga ferðavinnu við virðing fyri føroysku náttúruni, mentanini og lokalsamfelagnum.